• YSRCP DMW, Vuyyuru Town

పోల‌వ‌రాన్ని కేంద్ర‌, రాష్ట్ర ప్ర‌భుత్వాలు పూర్తి చేయాలి


వైయస్‌ఆర్‌ సిపి రైతు విభాగం అధ్యక్షుడు ఎంవీఎస్‌ నాగిరెడ్డి

రాజమండ్రి: కేంద్ర, రాష్ట్ర ప్రభుత్వాలు పోలవరం ప్రాజెక్టును పూర్తి చేయాలని వైయస్‌ఆర్‌ కాంగ్రెస్‌ పార్టీ రైతు విభాగం అధ్యక్షులు ఎంవీఎస్‌ నాగిరెడ్డి డిమాండ్‌ చేశారు. రాజమండ్రిలో ఆయన మీడియాతో మాట్లాడుతూ.. కేంద్రం నిర్మిస్తానన్న పోలవరం ప్రాజెక్టును రాష్ట్ర ప్రభుత్వం ఎందుకు తీసుకుందని ఎంవీఎస్‌ నాగిరెడ్డి ప్రశ్నించారు. అసలు చంద్రబాబుకు ఏం సంబంధం ఉందని నిలదీశారు. పోలవరం నా కల అని, నా కన్ను అని, దీని కోసమే ప్రత్యేక హోదాను తాకట్టు పెట్టానని చంద్రబాబు చెప్పారని గుర్తు చేశారు. ప్రతి రూపాయితో కేంద్రమే ఈ ప్రాజెక్టును నిర్మించాల్సి ఉండగా చంద్రబాబు ఎందుకు తీసుకున్నారని మండిపడ్డారు. తాత్కాలికమైన మాటలు, తాత్కాలికమైన అడ్డుకట్టలతో పోలవరం ప్రాజెక్టు పూర్తి కాదన్నారు. ప్రజల జీవనాడి అయిన పోలవరానికి ఆ నాడు దివంగత ముఖ్యమంత్రి వైయస్‌ రాజశేఖరరెడ్డి అన్ని అనుమతులు తీసుకువచ్చారని, ఈ ప్రాజెక్టును కేంద్ర, రాష్ట్ర ప్రభుత్వాలే నిర్మించాలని నాగిరెడ్డి డిమాండ్‌ చేశారు.

     Maintained by YSRCP Digital Media Wing,Vuyyuru Town. © 2016.The contents are owned by YSRCP Vuyyuru Town

  వీక్షకుల సంఖ్య